Hbsv 2 – Sparta 2                                                                                              11-12-2011

Loester Heej, veuraaf ozze excuses det de ps 1 t/m 6 veurige week nit in ut klokske stong. We haje vandaag mar iene wissel en in tegestelling tot de NS werkte dee van os wal. De wedstrijd ging wie unne sneltrein. En de tegestander bleef aan ut schuppe die spoorde eg nit. Helaas kwame we op 1-0 8terstand. Ut is mar det ik ut gezag heb unne moje aanval dee bestong oet 4 stations. Via ok wer unne moje aanval kwame we op 1-1. (zeker gin hands) Guido waas oeteindelik ut eindstation. Met un minuut of 3 vertraging begooste we met de 2e helft. Tu du du du ik herhaal: met un minuut of 3 vertraging begooste we met de 2e helft. Toen de scheids floot raasde de trein wer verder. Blondie Chiel scoorde al gauw genog de 1-2. Heej ging as unne intersittie op de goal aaf en scoorde dus. Zoals wal vaker waas hans ozze conducteur uhh ik bedoel controleur op ut middeveld. Mar good det hej de kaarte nit gecontroleerd heet want roeje of gele kaarte krege we vandaag nit. We wonne dus met 1-2 en ut zal wal effe deure veurdet Hbsv alles wer op de rails heet. Vur de wedstrijd kwame we die jonges oet Holt-blierik tege weej zeije: haa bsv gi gi.

Ps 1 Wil se un gratis OV-sjipkaart winne sms Per-on nar 6767

Ps 2 Hooliguns bedankt vur jullie steun mar volgende kier ut bietje rustiger aan angers ontspoort ut dalik nag.

Ps 3 Vrouwlie oet de kantine bedankt vur jullie inzet! Gat mar gauw nar hoes angers loepe jullie ok nag vertraging op.

Sparta 2 – Nwc 3                                                                                             04-12-2011

Loester Heej, veuraaf wil ik ff melde det we gin A-speulers mier van de weag aafrieje die kooste we later nag wel ens neudig hebbe. N-Wc moos duchtig zeike vur de wedstrijd dus ware ze wet later vur dun aaftrap. Ach ja ken gebeure. De 1e wedstrijd haje we met 7-1 verlore dit waas tacktiek van os want nau dachte de manne oet Aste ach doa winne we wal ff van. Mar ja doa haje ze tog wal wet mujte mei. Ut ging bees geliek op. Vur de rust schoote de manne oet broabant iene kier op de lat. Det haje ozze keeper Siep good gezeen. In de rust waas ut nag 0-0. Ut waas wal good geregeld van Geert wet sokkerkluntjes beej dun thieje. Waas sinterklas vergete op te hale. In de 2e helft kwame we zowaar op 1-0 veursprong. Guido ging good door op de keeper en dee speulde dun bal wet zenuwachtig nar N.A.R.D. Met un moj bekeken schot scoorde heej dus de 1-0. Nwc waas un bietje de weag kwiet en we kwame nar 60 minute voetballe op 2-0. De ingevallen Boy handschoon scoorde nar unne moje aanval. Toen waas ut tied um te verdedige en det deje we bees good. Nwc schoot nag unne kier tege de poal mar op de counter krege weej ok nag wal wet kanse. Gescoord woort er nit mier woadoor we hebbe gewonne. Hiep hoi!

Ps 1 Supportersclub bedankt vur 't moje gedicht en de snoepzak. De buscombi nar Holt-blierick vertrekt volgende week um 10.11 uur.

Ps 2 Alle treeners hebbe wer un joar beej geteikend. Good geregeld dachte weej!

Ps 3 Kleine ondernemers in Heerlen ware nit verzekerd. Ut is mar good det Tijs nit mier voetbald.

Ps 4 Guido; Jhonnie zaat op de bank beej ut erst nit Siep en we hebbe trouwens gewonne met 2-0.

Ps 5 Gezocht sjowffeur um Sander nar hoes te brenge met de slotdaag van volgende week.

Ps 6 Ome Theo bedankt vur de Pullen van de weak!

Sparta 2 – Wittenhorst 3                                                                              21-11-2011

Loester Heej, wat hay gewoos hay, hay hay nit kenne zeen mar det woos hay al. Zoemar wet veuraafgoand aan dun volgende derby van Sparta 2. Deze kier waas Hooors dun tegestander. We begooste nag met wet vertraging umdet ut volle bak waas op 't spansel mar det koos de pret nit drukke. We begooste vrij aardig aan de wedstrijd allien woej dun bal dur nit in. En det is wal bees belangriek met voetballen ken ik ow zegge. Dun 1e kier det hooors beej ozze goal kwaam krege ze geleik unne (onterechte) vrije trap. En hoe ut gebeurde wiet neemus mar dun bal ging tog eg door de moor heer en verdween neve Siep in de goal. Tja det waas wal bale. Desondanks lete we os nit van de wies brenge en ginge door met aanvalle. Guido ging allien op de goal aaf en via un briljante beweging koos de keeper nag mar ien ding doon; um oengeroetschoeffele dus deej deen det dan ok. De scheids zaag ut gelukkig good mar heej vergoot allien um de keeper un roeje kaart te geve. Ach misschien waar ie met ziene kop dur nit gans beej ach heet Cruijff ok wal is last van. Ken gebeure. De pennantie woort trouwens uiteraard vakkundig benut door Hans 1-1. Vervolgens schupte de scheids zigzelf oet de wedstrijd (nit eg slum) mar gelukkig was dur al snel unne nieje paraat. We haje al 10 minute van de rust gehad dus de gewoene thieje pauze waar wet korter as gewoen. Ut waas trouwens nag stiks 1-1. Mar ja angers haj ik wal gezag det det nit zoe waas. Afijn verder met de 2e helft. We ginge wer bees aardig van start mar helaas stonge poal en lat un veursprong in de weag. Toen de oranjemanne van hooors wer unne kier beej ozze goal kwame waas ut geleik wer raak 1-2. Vervolgens schupte ze dur nag unne in en waas ut inens 1-3. We ginge met 3 verdedigers speule um zoe nag wet te probere. Verder as un goal van bekker kwame we helaas nit en we verlore dus met 2-3.

Ps 1 Scheids 1 beterschap en scheids 2 bedankt.

Ps 2 Sinterklas bedankt vur ut moje gedicht en het snoepgoed want det waas goed te ete.

Ps 3 Op dinsdig 22 november vingt de 1e vergadering plats van de feestcommissie loester heej. Let op deze vergadering is besloten. Ene Dhr. Cruijff zal deelneemen aan deze vergadering door middel van een speciaal aangelegde video verbinding naar de kantine van 't Spansel. Dit ter info.

Mvc '19 2 – Sparta '18 2                                                                             13-11-2011

Loester Heej, laatste nieuws uit amsterdam. Basisplaats Cillissen niet ver-meer. Vandaag mooste we tege ozze buurman Maasbree. In deze degradatietopper kwame we unne 'oje' bekende tege namelik Peter. Ja joa deen man dee dur vur zurgt det we elke daag de post fijn op tied kriege. Ja behalve dan op mandig, dinsdig, woensdig, donderdig en vriedig mar ja de merste minse motte dan tog werke dus die hebbe dur al ginne last van. Nau dan de wedstrijd. De scheids floot ziene 1e wedstrijd in ziene carriere dus dan wiete jullie det ok wer. Ut waas nit eg unne goje wedstrijd. In de 23e minuut scoorde N.A.R.D. Nar un moj steekpaasje van Bart. Dit waas dan ok de ruststand. Ut deurde ff vurdet we thieje krege mar ja toen krege we wal in iene kier 2 kanne en duchtig veul sokker dur in. Guido waas dur uiteraard wal blie mei. Bre waas ongertussen de regsback van 't veld aan 't drage deen haj erges aan ziene knoak duchtig pien. In de 2e helft haje we veul balbezit mar creerden we nit eg kansen. Ut is trouwens mar good det sinterklas wer in ut land is. Want dee verdediger van Maasbree ging spontaan un kadootje oetdeile door middel van un eige goal waas was simptiek. 0-2 waas ok dun eindstand. Volgende week tege dun angere buurman Hoors.

 Ps 1: Ut is roed en ut is hiel wienig? (antwoord beej Ps 3)

Ps 2: Feestcommissie 2012: Boy, Siep en Bekker

Ps 3: un bietje

Sparta 2 – Baarlo 2                                                                         06-11-2011

Loester heej, dee gekleurde spits van AZ (Altidore hé) is ok altied doar woa heej mot zien nit normaal! Vandaag dun daag mooste we tege nr. 2 Boalder. Koos wal is lastig weare dachte weej. De 1e helft ging bees good we haje de betere kanse mar helaas scoorden we nit. Boalder kreeg gin enkele kans oh ja tog wal iene in de leaste minuut. Ut waas wal jammer det dee knul van Boalder dun bal dur in schoot 0-1. In de rust krege we wer thieje waas bees good geregeld. Allien vong Guido det dur te wienig sokker in zaat. Heej sprintte de kantine in um un zekske te hale. Det deej um good en heej koos dur wer tegenaan in de 2e helft. De 2e helft waas net bezig koos Siep wer goan visse. Ja nit in ut kanaal mar gewoen dun bal oet ut netje hale. Vervolgens bleve weej aardig voetballe we creerden ok wal wet kansen mar ja dee keeper van Boalder waas verrekte good. Durum bleef ut helaas 0-2. Ik wil nag wal ien ding zegge tege Nard vur det we aan de PS beginne. Beej unne ingoj is ut nit de bedoeling dun bal over de 8terlien van dun tegestander te goje. Bekiek dit nit as kritiek mar gewoen as un woargebeurd feit.

Ps 1 Piotr much beterschap for you from us!

Ps 2 Hoe neume ze unne indiaan dee homo is? Unne In-die-Anus!

Ps 3 Bestuur bedankjewel vur 't vaat & de Proemevlaai!

Bevo 2 – Sparta 2                                                                                 30-10-2011

Loester Heej, op unne zonnige zondigmerge mooste we nar Beringe um tege dun bal te stampe. Umdet de klok waas verzet kwaam eederien op tied op Stef noa dan mar ja det zien slegs detais. Sander haj un blaad gemakt met wet name en moje piele dur op. Zaag dur op zich wal interessant oet. Dit inpireerde os um dur wer duchtig tegenaan te goan. Soms lukte det ok wal en det bleek toen Jeroen de 0-1 binnenschoot. Via un geluksgoal kwaam Bevo op 1-1. En toen floot de scheids in ens zonger det dur iets aan de hand waas. Weej snapte dur allemoal nix van zelfs de speulers van Bevo keke mekaar aan van wat gebeurt heej nau. Bleek det ut al rust waas. In de 2e helft ginge we met ozze “zwerver” Guido op zeuk nar de 3 punte. Jeroen ging aan de linker kank good door en Bart v.d. Sterren makte nit allien de 1-2 mar dit waas tevens zien 1e goal van ut seizoen. Vervolgens misten we kans op kans um de 1-3 te make mar helaas scoorden we nit mier. Det te pienliker det Bevo nag wal scoorde 2-2. Det haje we nit aafgesproake!

Ps 1 De gele M stied vanaaf nau nit mier vur Maasbree mar vur Mac Donalds.

Ps 2 Coockie as se nau nag unne kier geel paks loate we dig vur straf iene kier nit meijdoon!

Sparta 2 – Sv Deurne 3                                                                          16-10-2011

Loester Heej, Jantje kumpt knollegaar toes van schoel zeet mooder: en Jantje hes se ok veul gelierd? Wal veul mar nit genog want merge mot ik wer terug! Op unne moje zondig in oktoeber woa de klok nag stiks nit verzet is mooste we tege deurne. We begooste vrij good aan de wedstrijd mar ja desondanks scoorde Deurne de 1e goal van dun daag 0-1. Dit waas ok de ruststand. In de 2e helft scheen de zon nag stiks en ginge we wer met vol goje moed dur tegen aan. Siep dach volgens mig is dee keeper van die angere nit zoe good en schoot dun bal rojaal wiet weg en Jeroen scoorde nar un moje 1 twieje met de kieper van Deurne 1-1. Vervolgens kwaame de brojbanders nag iene kier beej de goal en toen kooste we wer aaftrappe 1-2. Un kwarteer vur tied begooste we met een rojaal slotoffensief. We speulde van links nar rechts van 8ter nar veur en angersum. Oet unne prachtige aanval over rechts kwaam dun bal vur de goal en Bart v.d. Sterrruh woort duchtig ongeroetgeschoeffeld ( is trouwens wal un moj scrable-woord) en we krege uiteraard unne pennantie. Hans scoorde de verdinde geliekmaker 2-2. Wat dur toen gebeurde waar eg nit te filme dus det hebbe we dan ok nit gedoan. Beej unne gewoene scheids is un slyding op de bal ginne pennantie. Zelfs beej unne slechte scheids waar det ginne pingel mar ja jullie roje ut al ozze scheids gaaf tog unne pennantie. 2-3 man man man hoe triest.

Ps 1 Guido & Sander van harte proficiat nag dus!

Ps 2 Dur kwaam nag eemus de kantine binne wandele (name zal ik nit neume) en zeej vong ut wal fijn weer desondanks haj ze unne rojale asosjaal um! Ken eemus mig det oetlegge?

Rkmsv 2 – Sparta 2                                                                                         09-10-2011

Loester Heej, we beginne vandaag met un felicitatie nar alle goje scheidsrechters (joa dig ok matje) met dun daag van de scheidsrechter. De vlaai waas lekker volgend joar hebbe weej toch lever un vaat beer of un nieje speulersbus. Vandaag ging de caravaan van Sparta 2 nar Meywal um tege dun bal te stampe. Ik zal ow bespare um te zegge det bart v.d. Sterre in de 2e minuut al geel kreeg. Oh shit heb ik ut tog gezag. Vervolgens kreeg v.d. Brangt dun bal en dag ja scheet mar us unne kier en dun bal gin perfect in de ziekank van ut midden in de goal of zoiets: 0-1! Meywal bleef mar wet aanplare en rakte allien iene kier de lat en iene kier de poal mar ja det hay siep good gezeen angers haj heej wal gedoan he. Kom op hé zoe stom is ie ok nit. Oet unne moje aanval kreeg Guido dun bal aan de linkerkank van ut veld. Heej zaag Piotr hielemoal nit vrij stoan mar gaaf dun wal toch ( ja det is Guido hé) Mar ja toch kwaam dun bal beej Piotr oet en heej schoot dun bal diagonaal beej de 2e poal (lees pool) in de goal ja ja 0-2. In de rust ginge we ff proate en thieje drinke waas wal gezellig mot ik zegge. Vervolgens ginge we verder met voetballe is wal zoe praktisch dachte weej. Meywal ging verder met bel over de zielien stampe sanike op mekaar en noaschuppe beej Piotr. De kieper koos zich terecht goan douche. Heejnoa kwame we nit mier in de probleme. Ok det is wal us angers gewest. Verder waas de inbreng van blondie Giel wal un bietje fragiel. Volgende kier is volgende kier dus det zeen we dan wal wer. 0-2 inpakke nar hoes en tot volgende week.

Ps 1 Siep gefeliciproficiat met de 0.

Ps 2 Geachte speulers van Meyel loat de rame van huize Daems in takt deek ken dur ok nix aan doon det weej zoe good zien.

Sparta 2 – Someren 4                                                                                     02-10-2011

Loester Heej, ondanks det dur 2 jeurig ware haje we ginne vlaai. Zoe gek is det trouwens nit want weej as echte topsporters ete gin vlaai. Weej hoje ut beej beer en brudjes frikandel. Someren waas ozze tegestander vandaag. Stied ok bove dit verslaag trouwens. Eigelik speulde we bees slech en vandaag waar dur minder te beleve dan veurige week. Toen we un bekske thieje ginge drinke stonge we al met 1-3 achter. Ut is det we vlak vur rust nag scoorden want angers waas ut 0-3 gewest. Mar ja det is bees wal logisch. Gijs scoorde ozze goal overigens nar unne moje vrije trap van hans. De 2e helft gebeurde dur nit veul dus dan schrieve we doa ok nit over. Dur waas wal un opmerkelik moment want mar liefst 3 teams speulde um 12 oor toes. Det is volgens un zeer betrouwbare bron al zeker 4 joar nit mier gebeurd. Verder heb ik wienig te vertelle behalve dan det Stef v.d. Brangt nau un brudje hamburger in zien gezeeg aan ut doewe is.

Ps 1 Sven & Gijs nag unne fijne verjeurdig!

Ps 2 Koekie & Matje beterschap met ja wiet ik veul. En eederien deen ik vergeten bin ok natuurlik.

Sparta 2 – Blerick 3                                                                                           25-09-2011

Loester Heej, vandaag mooste we voetballe tege Blerick want zoals jullie wiete waar ut de leaste zondig van de weak. Umdet sommige minse ut gear woeje ginge we um kwart veur 11 un foto make. Toen dit gedoan waas kwame we dur 8ter det Adje beej ut erst moos vlagge. Weej ware hielemoal van os aprepow aaf en stonge nar 10 minute met 2-0 achter. Mar doanoa koos ut publiek dur ens good vur goan zitte mar ja ut waas zo'n fijn weer det de tribune leeg bleef. En eederien langs de kank bleef stoan. Via schoene goals van Boy Handschoon en Chiel Blondie Rijs stong ut 10 minute later al geliek. Nag vur de rust scoorden we nag 4 kier ja ja! Bekker 3 en Jeroen iene. In de rust kreeg ut Sparta-publiek gratis koffie en det hebbe ze ok verdind. Koekje dur bij (ne nit Gert-Jan) en dun 2e helft koos beginne. We scoorden allebei nag un paar kier en zelfs zonder det ut publiek 10-10-10 scandeerde kwame we tot 10 goals! Guido, Piotr, Bekker en Hans scoorden nag en wie de goals vur Blierick makte bin ik alwer vergete. Ut resultaat waas du korfbaloetslaag 10-5! Nag ien ding wat wal belangriek is: Tijs heet zien koffer!!! Ken dee ok wer op vakantie is wal zoeu hendig he. Eederien deen dit mede mogelik gemakt heet van harte dankjewel!

Ps 1 Geacht bestuur: weej pleite vur un niej scorebord woa wal 10 goals op kenne!

Ps 2 Thei Verheijen volgende kier ff zegge as se de opstellinge gies opleze Bedankt!

Venray 3 – Sparta 2                                                                                         18-09-2011

Loester Heej, of se nau met 10-0 of 1-0 verloren hes ut makt nit zoeveul oet de kriegs evegood gin punte. Tot zoever over de wedstrijd. Ut verbaasd os wal det Tijs zien koffer dur nag stiks nit is. Vur de wedstrijd brook dur al bijna paniek oet toen dur ginne tape waar. Vur ozze verzeurger natuurlik un win-win situatie. En nit met un zwoar koffer sleipe en gin enkels, erm of angere lichaamsdele intape. Sven heet trouwens unne nieje beejnaam: Verhoek! Dus Kubus is beej deze verleden tied.

Ps 1. Supporters bedankt vur jullie steun! Ok in deze zwoare tied hoape weej det jullie achter de umheining blieve stoan.

Sparta 2 – Hbsv 2                                                                                                      11-09-2011

Loester Heej, allererst wille we os ff verontschuldige vur ut ontbreke van ut verslaag van veurige week. Gelukkig verlore we met 7-1 want stel dig veur as we nau gin verslaag gehad haje met un 8-0 overwinning. Det zui pas eg erg zien gewest. Vandaag ozze erste competitiewedstrijd op kunstgraas. De scheids hay dur ok moeite mei ut leek dur aaf en toe op of heej wet korrels in de oege haj. Unne hoep gesanik en 4 gele kaarte vur os ware ut resultaat. Toen we thieje ginge drinke keke we tege un 0-1 8terstand aan. In de 2e helft leet Juul Janssen zeen det heej hel ken renne en toen heej beej de goal kwaam schoot heej dun bal dur mar in 1-1 of ein-ein (vur de lezers oet holt-blierik) Weej vonge ut wal erg sleg van Hbsv det ze nag unne scoorden. Det haje we nit aafgesproake! Noa de wedstrijd naam corrie de lier mei in de binnetes umdet dur unne bal un kiend op ut daak haj geschupt. Of angersum natuurlik det ken natuurlik ok. Volgende week nar Veneruj 9.15 uur vertrekke. Pffff!

Ps1 Woa blieft 't koffer van Tijs?

Ps2 Adje: Vijne Fakantie nag he!

Ps3 Laatste nieuws: 1 dode bij zelfmoordaanslag in Afghanistan.